Nini Andrade Silva - Вински хотел со 5 ѕвезди

Винскиот Хотел во Мадеира,Португалија е еден од поубавите лускузни хотели направени во категоријата на 5 ѕвезди. Португалскиот дизајнер Andrade Silva и шпанскиот архитект Ricardo Bofill , се заслужни за овој ултра лускузен ентериер со модерен декоративен стил што се потенцира особено во осветлувањето и третманот на боите.Главниот концепт во создавањето на овој хотел е да се задоволат пикантните потреби на консументите на виното и да им се овозможи дополнително уживање во корелација со виното.
По влегувањето во фоајето, гостите ќе бидат обземени од страна на се-опфатната  тема и дизајн на хотелот а тоа е виното Мадеира. Ова се рефлектира во секој мал детал и сегмент  од хотелот -почнувајќи од приземното ниво и дизјанот со асоцијации на лозја, продолжувајќи преку Винотерапијата и оделот за Спа третмани базирани на филозофијата на Винотерапијата и гастрономскиот ресторан Ува,кој  служи како вкусна француска фузија на  кујна и одлични вина од Мадеира.

Современ елегантен дизајн со оригинален стил во контекст на  пријатната атмосфера, наменет за потребите на секој гастроном во текот на цела година. Сива, зелена, пурпурна и кафеава се боите кои доминираат во хотелот, како претставници на четирите различни сезони и созревањето на грозјето во текот на годината. Секој кат е дизајниран во различна боја: На 2-от кат е зелената за пролет, на 3-от кат е пурпурна за лето, на 4 кат е сива за зимата а  5-от кат се манифестира во кафена боја, претставувајќи ја  есента.